BAKI, 19 sentyabr. TELEQRAF
Bundesver (Almaniya Silahlı Qüvvələri) təhlükəsizlik səbəblərinə görə Almaniya vətəndaşı olan rusların Litvadakı briqadada xidmət etməsinə icazə verməkdən imtina edib.
Teleqraf xəbər verir ki, bu barədə "Bild" qəzeti məlumat yayıb.
Nəşr qeyd edir ki, alman hərbçiləri təhlükəsizlik yoxlamasından keçirlər və bəziləri rus və ya belarus köklərinə görə yoxlamadan keçə biliblər. Onlara Bundesverdə xidmət etməyə icazə verilir və Rusiya və ya Belarusdakı qohumlarını ziyarət etmək qadağan deyil, lakin onlar bu cür səfərlər barədə rəhbərlərinə məlumat verməlidirlər.
"MAD" hərbi əks-kəşfiyyat icazəsindən keçə bilməyənlər əsas təhlükəsizlik icazəsi olan vəzifələrə keçirilirlər.
Almaniya Müdafiə Nazirliyi rusiyalı almanların NATO-nun şərq cinahında xidmət etmədiyini təsdiqləyib, lakin iddia edilən Rusiya və ya Belarusla ailə əlaqələri olan hərbçilərin ayrı-seçkiliyə məruz qalmadığına əminlik verib.
