BAKI, 15 sentyabr. TELEQRAF
ABŞ Prezidenti Donald Tramp Ali Məhkəməni sərt tənqid edib.
Teleqraf xəbər verir ki, O, "Truth Social"da məhkəmənin onun poçtla səsvermə qaydasını ləğv etmək qərarına münasibət bildirib.
Tramp iddia edir ki, əvvəllər namizədliyini irəli sürdüyü məhkəmənin üç üzvü Demokratlar tərəfindən idarə olunub: "Bunlar ABŞ Ali Məhkəməsinə namizədləri seçərkən şəxsən müsahibə verdiyim insanlar deyil. Onlar əvvəlki özlərinin kölgələridir. Bu, şokedici dərəcədə pis qərarlarla ABŞ-a trilyonlarla dollara başa gələn bir məhkəmədir və onun miqyası o qədər genişdir ki, ölkəmizin sağalması çətin olacaq".
Tramp əlavə edib ki, bu, ABŞ tarixində ən dağıdıcı, ağrılı və fəlakətli qərarlar qəbul edən bir məhkəmə kimi tarixə düşəcək: "Mən Amerika Birləşmiş Ştatları Ali Məhkəməsinə qarşı bu tənqidi ürəkağrısı ilə yazıram. Bu, yaxın illərdə mənə baha başa gələcək, amma mən Prezident kimi sevdiyimiz Amerika naminə bunu etməyi özümə borc və vəzifə hesab edirəm!"
Amerika prezidenti Ali Məhkəməni "doğum turizmi" və daha sərt tariflərlə bağlı qərarlarını ləğv etdiyinə görə tənqid edib. O qeyd edib ki, bəzi hakimlər dəli və pozğun demokratlardan qorxurlar və Amerikanı xilas etmək üçün lazım olan cəsarəti nümayiş etdirməkdə tamamilə acizdirlər".
