BAKI, 15 sentyabr. TELEQRAF
İran İslam İnqilabı Keşikçiləri Korpusu (SEPAH) Hörmüz boğazı üzərində dördüncü MQ-1 pilotsuz təyyarəsinin məhv edildiyini açıqlayıb.
Teleqraf xəbər verir ki, bu barədə "Mehr" agentliyi məlumat yayıb.
İran hərbçilərinin məlumatına görə, cihaz Hörmüz boğazının şərq hissəsi üzərində ölkənin vahid hava hücumundan müdafiə şəbəkəsinə inteqrasiya olunmuş müasir hava hücumundan müdafiə sisteminin köməyi ilə ələ keçirilib.
Pilotsuz təyyarənin missiyası və iddia edilən mənşəyi də daxil olmaqla digər detallar hələlik açıqlanmayıb.
SEPAH qeyd edib ki, bu, son günlərdə İran qüvvələri tərəfindən məhv edilən dördüncü MQ-1 təyyarəsidir. İran tərəfinin məlumatına görə, strateji əhəmiyyətli Hörmüz boğazı bölgəsində Amerika hava hədəflərinə qarşı əməliyyatlar davam edir.
