BAKI, 15 sentyabr. TELEQRAF
NATO Gedser şəhəri yaxınlığındakı beynəlxalq sularda Rusiya freqatının Danimarka hərbi helikopterinə atəş açmasını məsuliyyətsiz hərəkət adlandırıb.
Teleqraf xəbər verir ki, NATO nümayəndəsi Alison Hart Danimarkanın "Ritzau" xəbər agentliyinə açıqlamasında Danimarkanın Rusiyanın hücumu barədə müttəfiqlərini məlumatlandırdığını deyib.
"Bu, Rusiyanın müttəfiqlərini qorxutmağa yönəlmiş daha bir məsuliyyətsiz hərəkətidir. Lakin Rusiya buna nail olmayacaq" - Hart deyib.
Onun sözlərinə görə, NATO öz ərazisini müdafiə etməyə və Ukraynanı dəstəkləməyə davam edəcək.
Hadisə Danimarkanın cənub sahillərində beynəlxalq sularda baş verib. NATO-nun bəyanatına görə, Rusiya freqatı Danimarka hərbi helikopterinə alovlu atəş açıb.
