BAKI, 15 sentyabr. TELEQRAF
Rusiya dronlarının həftəsonu sərhəd yaxınlığında hücumlar həyata keçirməsindən sonra Polşa Ukrayna ilə sərhəd keçid məntəqələrində infrastrukturu gücləndirir.
Teleqraf xəbər verir ki, bu barədə Polşanın müdafiə naziri Vladislav Kosyniak-Kamış bildirib.
"Rusiyanın hərəkətləri bütün Avropanın təhlükəsizliyini təhdid edir. Hökumətin qərarına əsasən, sərhəd xidmətinin istifadə etdiyi infrastruktur gücləndirilir", - Kosignac-Kamış X sosial şəbəkəsində yazıb.
Onun sözlərinə görə, 18-ci Mühəndislik Alayının hərbçiləri artıq Polşa-Ukrayna sərhədi yaxınlığında sərhəd məntəqələrinin və infrastrukturunun gücləndirilməsi işlərinə başlayıblar.
Qeyd edək ki, bazar günü Ukrayna və Polşa sərhədi yaxınlığında bir pilotsuz təyyarə sərnişin qatarına dəyib. Başqa bir pilotsuz təyyarə yaxınlıqdakı yanacaqdoldurma məntəqəsində park edilmiş yük maşınına çırpılıb.
Hücumlardan sonra Polşa sərhədçiləri sərhəd məntəqələrinin fəaliyyətini müvəqqəti olaraq dayandırıb.
