BAKI, 15 sentyabr. TELEQRAF

Qazaxıstan və Cənubi Koreya 19 milyard dollar dəyərində müqavilələr imzalayıb.

Teleqraf xəbər verir ki, bu barədə Qazaxıstan Prezidenti Kasım-Jomart Tokayev Seulda Cənubi Koreya Prezidenti Li Çje Myonla görüşündə bildirib.

“İkitərəfli münasibətlərə gəlincə, səfər zamanı 19 milyard dollar dəyərində ticarət müqavilələri imzalanıb. Koreyalı investorların işindən məmnunuq və gələcəkdə də bu istiqamətdə əlaqələrimizi davam etdirəcəyik. Otel, neft emalı zavodunun tikintisi və şəhərsalma ilə bağlı yaxşı planlarımız var. Mədəni və humanitar əməkdaşlığın gücləndirilməsinə xüsusi diqqət yetirəcəyik”, - o qeyd edib.