BAKI, 19 may. TELEQRAF
ABŞ Prezidenti Donald Tramp İranla döyüş əməliyyatlarının dayandırılması üzrə razılığın əldə olunması şanslarının “çox yaxşı” olduğunu bildirib.
Teleqraf xəbər verir ki, Tramp bu barədə Ağ evdə jurnalistlərə açıqlamasında danışıb.
ABŞ liderinin sözlərinə görə, Qətər, Səudiyyə Ərəbistanı, BƏƏ və digər ölkələrin nümayəndələri hazırda həm Vaşinqton, həm də Tehranla birbaşa təmasdadır.
“Onlar hazırda bizim nümayəndələrlə və İranla birbaşa işləyirlər. Nəyəsə nail ola bilmələri ehtimalı çox yaxşı görünür”, - Tramp qeyd edib.
Prezident bildirib ki, mümkün razılaşma İranın nüvə silahı əldə etməsinin qarşısının alınmasını da nəzərdə tutur.
“Əgər bunu İranı yerlə-yeksan etmədən edə bilsək, çox məmnun olaram”, - deyə ABŞ prezidenti əlavə edib.
