BAKI, 23 yanvar. TELEQRAF

"İranda baş verənləri terror aktı kimi qəbul edirik".

Teleqraf xəbər verir ki, bunu İranın xarici işlər nazirinin müavini Vahid Cəlalzadə Bakıda keçirdiyi mətbuat konfransında bildirib.

"Biz baş verənləri müharibənin tərkib hissəsi kimi qiymətləndiririk. Qısa müddət ərzində isə itkilərimiz 3000-dən artıq oldu. Həlak olanlar arasında hərbçilərlə yanaşı, mülki şəxslər, tibb və polis əməkdaşları da var", - o qeyd edib.

Onun sözlərinə görə, iğtişaşlar ölkəyə genişmiqyaslı maddi ziyan vurub.

XİN rəsmisi qeyd edib ki, hadisələr zamanı 3500 ticarət obyekti, 700 market, 750 bank şöbəsi, 414 dövlət qurumu, 200 məktəb, 350 məscid, 253 avtobus və 800-dən artıq avtomobilə zərər dəyib.