BAKI, 2 aprel. TELEQRAF

Ukraynanın xarici işlər naziri Andrey Sibiqa Ukrayna-NATO Şurasının iclasında iştirak etmək üçün aprelin 3-4-də Brüsselə işgüzar səfər edəcək.

Teleqraf “İnterfaks-Ukrayna”ya istinadən xəbər verir ki, görüş alyansa üzv ölkələrin xarici siyasət idarələrinin rəhbərlərinin iclası çərçivəsində baş tutacaq.

Danışıqların əsas mövzuları Kiyevə beynəlxalq dəstəyin gücləndirilməsi, Ukraynanın hazırkı hərbi ehtiyacları və uzunmüddətli təhlükəsizlik təminatları məsələləri olacaq. Sibiqanın NATO-nun Baş katibi Mark Rutte və alyansa üzv ölkələrin bir sıra xarici işlər nazirləri ilə ayrıca görüşləri də planlaşdırılır.