BAKI, 20 sentyabr. TELEQRAF

Fransada dizel yanacağının qiyməti rekord həddə çatıb. İndi fransızlar bir litr dizel yanacağı üçün 2,41 avro ödəyirlər.

Teleqraf xəbər verir ki, bu barədə "Agence France-Presse" (AFP) məlumat yayıb.

Bildirilib ki, ölkədəki 8,7 min yanacaqdoldurma məntəqəsinin məlumatına görə, dizelin bir litri orta hesabla 2,4097 avro olub.

Bahalaşmaya əsas səbəb Hörmüz boğazının bağlanması və təchizatda yaranan problemlərdir.