BAKI, 20 sentyabr. TELEQRAF

Fransa Prezidenti Emmanuel Makron Şimali Amerikadakı Sen-Pyer və Mikelon arxipelaqında Kanadanın Baş naziri Mark Karni ilə görüşəcək.

Teleqraf xəbər verir ki, bu barədə Fransa Prezidentinin Mətbuat Xidməti məlumat paylaşıb.

Səfər ABŞ Prezidenti Donald Trampın sosial şəbəkədə arxipelaq da daxil olmaqla bir sıra əraziləri ABŞ bayrağı ilə örtülmüş halda əks etdirən xəritə paylaşmasından sonra reallaşır. Fransa tərəfi görüşün ölkənin regiondakı suverenliyini nümayiş etdirəcəyini və Kanada ilə əməkdaşlığı gücləndirəcəyini bildirib. Liderlərin enerji böhranı və Kanadanın Avropa İttifaqı ilə yaxınlaşması məsələlərini müzakirə edəcəyi gözlənilir.