BAKI, 20 sentyabr. TELEQRAF

Çinin "CAS Space" şirkəti "Kinetica-1" raket-daşıyıcısı vasitəsilə 9 peyki uğurla orbitə çıxarıb.

Teleqraf xəbər verir ki, bu barədə "CAS Space" şirkəti "WeChat" sosial şəbəkəsindəki hesabında məlumat paylaşıb.

Peyklərin buraxılışı Şimali Çində yerləşən Tszüyuçuan kosmodromunun "Dunfən" kommersiya meydançasından yerli vaxtla saat 12:03-də həyata keçirilib.

Missiya çərçivəsində "Qinling-01", "Qinling-02", "Pengcheng Shoufa", "Chaozhisuan-1", "Diting-01" seriyasından üç aparat, habelə "Pujiang-4" və "Yunxiao Tanluzhe" peykləri nəzərdə tutulan orbitlərə çatdırılıb.

Dördpilləli bərk yanacaqla işləyən "Kinetica-1" raketi üçün bu, 16-cı uğurlu uçuş olub.