BAKI, 3 aprel. TELEQRAF

Avropa dövlətlərindən ibarət koalisiya tərəfindən hazırlanmış plana görə, NATO Ukraynada sülhməramlı missiyaya yardımda əsas rol oynaya bilər.

Teleqraf xəbər verir ki, bu barədə Avropa rəsmiləri “Financial Times”a (FT) bildiriblər.

Təkliflərdən birinə əsasən, Ukraynada sülhməramlı qüvvələrin yerləşdirilməsi zamanı NATO-nun komanda-nəzarət strukturlarından istifadə olunacaq: “Sülhməramlılar alyansın ümumi kəşfiyyat, müşahidə və digər imkanlarından da istifadə edəcəklər”.

Amma rəsmilərin sözlərinə görə, bu təklif müzakirə olunan bir neçə variantdan biridir və yekun razılaşma əldə olunana qədər dəyişdirilə bilər.