BAKI, 2 aprel. TELEQRAF

Türkiyə xarici işlər naziri Hakan Fidan NATO xarici işlər nazirlərinin toplantısında iştirak etmək üçün sabah Fransadan Brüsselə gedəcək.

Teleqraf xəbər verir ki, Fidanın toplantıda Türkiyənin Avropanın yeni təhlükəsizlik arxitekturası üçün səylərinin bir parçası olduğuna diqqət çəkəcəyi gözlənilir.

Brüsseldə keçiriləcək görüş həm də ABŞ-nin yeni administrasiyası ilə digər müttəfiqlər arasında ilk kollektiv məsləhətləşmə olacaq. NATO toplantısında Rusiya-Ukrayna müharibəsi və bu kontekstdə Avropanın təhlükəsizliyinin gələcəyi müzakirə olunacaq.

NATO xarici işlər nazirlərinin toplantısı aprelin 3-4-də Brüsseldə keçiriləcək.