BAKI, 29 aprel. TELEQRAF
“Qazaxıstan Respublikasının Prezidenti haqqında” Konstitusiya Qanunu layihəsi baxılmaq üçün parlamentə təqdim edilib.
Teleqraf xəbər verir ki, bu barədə Qazaxıstan mediası məlumat yayıb.
“Qanun layihəsi martın 15-də keçirilən referendumla qəbul edilmiş Konstitusiyaya uyğun olaraq hazırlanıb. Qanun layihəsi Qazaxıstan Respublikasının mövcud qanunvericiliyinə və Prezidentin qanunvericilik təşəbbüsü proseduruna uyğun olaraq, Qazaxıstan Respublikası Dövlət Başçısının xüsusi müraciəti ilə parlamentə təqdim edilib. Konstitusiya qanunu layihəsi Qazaxıstan Respublikası Prezidenti və vitse-prezidentinin hüquqi statusunu müəyyən edir”, - parlamentin Qanunvericilik və Məhkəmə-Hüquq İslahatları Komitəsinin sədri Snejana İmaşeva bildirib.
Deputat əlavə edib ki, layihə sənədi 8 fəsil və 43 maddədən ibarətdir.
