BAKI, 6 oktyabr. TELEQRAF

“İran heç bir şəkildə sanksiyalardan narahat deyil və ölkə sanksiyalara qarşı bərkiyib”.

Teleqraf xəbər verir ki, bunu İranın vitse-prezidenti Məhəmmədrza Arif deyib.

“İnqilabın əvvəlində hamımız dua edirdik ki, kaş ölkənin nefti olmayaydı ki, inkişaf edə bilsin. Çünki belə bir təsəvvür var idi ki, neft bizi tənbəlləşdirir”, - o vurğulayıb.

Arif qeyd edib ki, büdcənin neftdən asılılığı sıfır olmalıydı, inkişaf planlarına bu istiqamətdə siyasət daxil edilmişdi.

İranın vitse-prezidenti hazırkı durumla bağlı isə bildirib:

“Hər bir idarəetmə dəyişikliyi sıçrayış xarakterli dönüş üçün zəmin yarada bilər. Neft sənayesinin inkişaf proqramları gecikməməlidir və təzyiqin artırılması layihələri, eləcə də yataqların inkişafı daha sürətlə həyata keçirilməlidir”.