Lənkəran şəhərində avtomobil oğurluğu edənin axtarışda olması müəyyən edilib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, fevralın 4-də Lənkəran şəhərinin ərazisindən Lerik şəhər sakini Mirəziz Həmidova məxsus “VAZ-2107” markalı avtomobil qaçırılıb.

Lənkəran Şəhər-Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində avtomobili qaçırmış Lerik şəhər sakini, əvvəllər məhkum olunmuş İlkin Bünyatov tutulub.

İlkin Bünyatovun Cinayət Məcəlləsinin 178-ci (dələduzluq) maddəsi ilə axtarışda olması da müəyyən edilib.

Faktla bağlı araşdırma aparılır.

Hacı Zeynalov