BAKI, 20 noyabr. TELEQRAF

Tezliklə Azərbaycanda Vyetnamın səfirliyi açılacaq.

Teleqraf xəbər verir ki, bunu Vyetnam Sosialist Respublikasının Baş naziri Le Minh Hunq noyabrın 20-də Azərbaycan Respublikasının Prezidenti İlham Əliyevlə görüşündə bildirib.

Dövlət başçısı Vyetnamın bu addımını yüksək qiymətləndirib. Azərbaycanın Vyetnamda səfirliyinin uzun müddətdir fəaliyyət göstərdiyini deyən Prezident İlham Əliyev qeyd edib ki, diplomatik nümayəndəliklərin tam fəaliyyəti ikitərəfli əlaqələrin inkişafına ciddi təkan verəcək.