BAKI, 26 may. TELEQRAF

Azərbaycanda suvarma suyunun keyfiyyət monitorinqi və idarəetmə sisteminin yaradılması nəzərdə tutulur.

Teleqraf xəbər verir ki, bu barədə bu gün Prezident İlham Əliyevin Sərəncamı ilə təsdiq edilən "Azərbaycanda kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026-2030-cu illər üçün Dövlət Proqramı"nda qeyd edilib.

Layihə çərçivəsində irriqasiya və meliorasiya şəbəkələrində olan suyun analizi aparılması mexanizminin formalaşdırılması ilə bağlı təkliflər hazırlanacaq.

Növbəti mərhələdə azı 3 pilot regionda su keyfiyyəti monitorinqi sistemi tətbiq ediləcək. Yekunda isə əsas irriqasiya və meliorasiya şəbəkələri üzrə su keyfiyyəti monitorinqi sisteminin tətbiq edilməsi nəzərdə tutulur.

Layihə üzrə əsas icraçı orqan Azərbaycan Dövlət Su Ehtiyatları Agentliyi, digər icraçı qurumlar isə İqtisadiyyat Nazirliyi və Kənd Təsərrüfatı Nazirliyidir.