BAKI, 2 aprel. TELEQRAF
Ağdam Rayon İcra Hakimiyyəti başçısının Quzanlı qəsəbəsi üzrə nümayəndəliyi Quzanlı qəsəbəsi ərazisində abadlıq və yaşıllaşdırma işlərinin görülməsi üçün tender elan edib.
Teleqraf dövlət satınalmalarının vahid internet portalına istinadən xəbər verir ki, tenderin ümumi dəyəri 280 min manat təşkil edir.
Ağdam Rayon İcra Hakimiyyəti Xındırıstan ərazi nümayəndəliyi də kənddə abadlıq və yaşıllaşdırma işlərinin görülməsi ilə bağlı tender elan edib. Müsabiqənin ehtimal edilən dəyəri 298.000 manatdır.
Qeyd edək ki, hər iki tender üzrə təkliflərin qəbul müddəti 24 aprelədək davam edəcək və zərflər də həmin gün açılacaq.
