BAKI, 6 iyul. TELEQRAF

İngiltərə millisinin hücumçusu Harri Keyn dünya çempionatlarının pley-off mərhələsində vurduğu qolların sayına görə yığmanın tarixi rekorduna şərik olub.

Teleqraf xəbər verir ki, təcrübəli forvard dünya çempionatının 1/8 finalında Meksikaya qarşı keçirilən görüşün 60-cı dəqiqəsində penaltidən dəqiq zərbə ilə fərqlənib.

Keyn dünya çempionatlarının pley-off mərhələsində vurduğu qolların sayını altıya çatdıraraq bu göstəricidə İngiltərə millisinin əfsanəvi hücumçusu Qari Linekerin rekordunu təkrarlayıb.

Hər iki futbolçu İngiltərə yığmasının tarixində mundialın pley-off oyunlarında ən çox qol vuran oyunçulardır.

"Bavariya" klubunun hücumçusunun qolu İngiltərəyə qələbə qazandırıb. Qarşılaşma ingilislərin 3:2 hesablı qələbəsi ilə yekunlaşıb və Meksika mundialla vidalaşıb.

İngiltərə millisi dünya çempionatının 1/4 finalında Norveçlə qarşılaşacaq.