BAKI, 3 aprel. TELEQRAF

“Ukrayna ordusu Amerikanın hərbi yardımından çox asılıdır və bu yardım kəsilərsə, onların döyüş qabiliyyəti aşağı düşəcək”.

Teleqraf xəbər verir ki, bunu Avropadakı Müttəfiq Qüvvələrinin Ali Baş Komandanı, amerikalı general Kristofer Kavoli deyib.

Senatın Silahlı Qüvvələr Komitəsinin dinləmələr zamanı general bildirib ki, əgər Vaşinqton hərbi təchizat, kəşfiyyat məsləhətləri və digər yardımlardan imtina edərsə, bu, Ukrayna qoşunlarının döyüş qabiliyyətinə sürətli və dağıdıcı təsir göstərəcək: “Ukrayna xüsusilə müasir zenit sistemləri baxımından bizdən asılıdır”.