BAKI, 3 aprel. TELEQRAF

Donald Tramp administrasiyasının yeni tarifləri ABŞ fond bazarında böyük itkilərə səbəb olub.

Teleqraf xəbər verir ki, "S&P 500" indeksinə daxil olan şirkətlərin 90%-i dəyər itkisi ilə üzləşib. Səhmlərin yarısından çoxu dəyərinin ən azı 2%-ni itirib. Proqnozlara əsasən "S&P 500" kapitallaşması təxminən 2 trilyon dollar itirə bilər.

Qeyd edək ki, D.Tramp Çinə 34 faiz, Avropa Birliyinə isə 20 faiz tarif tətbiq edib.Vyetnama 46 faiz, Yaponiyaya 24 faiz, Böyük Britaniyaya 10 faiz, Cənubi Koreyaya 25 faiz, Taylanda 36 faiz, İsveçrəyə 31 faiz, Tayvana 32 faiz, Hindistana 26 faiz, Malayziyaya isə 24 faiz tarif elan edib.

Ən yüksək tarif Lesotoyaya (50%), Kambocaya (49%), Laosa (48%), Madaqasqara (48%), Vyetnama (46%), Şri-Lankaya (44%) və Myanmara (44%) tətbiq olunub. Meksika və Kanada Ağ Evin açıqladığı uzun tariflər siyahısından kənarda qalıb. Yeni tariflər aprelin 5-dən qüvvəyə minəcək.