BAKI, 7 avqust. TELEQRAF

Beyləqan rayonunda 21 yaşlı gənc su kanalında batıb. Hazırda xilasedicilər onu axtarır.

Teleqraf xəbər verir ki, bu barədə Fövqəladə Hallar Nazirliyi (FHN) məlumat yayıb.

Bildirilib ki, avqustun 6-da "Yeni Xan qızı" kanalının Birinci Şahsevən kəndindən keçən hissəsində bir nəfərin batması barədə xəbər daxil olub. Batan şəxsin 2005-ci il təvəllüdlü Amin Əhmədov olduğu ehtimal edilir.

Məlumat daxil olan kimi dərhal hadisə yerinə FHN-in dalğıc-xilasediciləri cəlb olunub. Hazırda gəncin tapılması üçün su kanalında axtarışlar davam edir.

***

09:15

Beyləqanda bir nəfərin kanalda bataraq ölməsi faktı ilə bağlı araşdırma aparılır.

Teleqraf xəbər verir ki, Əhmədov Amin Zamir oğlu avqustun 6-da Beyləqan rayonunun Birinci Şahsevən kəndi ərazisindən keçən beton kanalda çimərkən suda boğulub.

Hazırda onun meyitinin tapılması istiqamətində axtarış tədbirləri davam etdirilir.

Faktla bağlı Beyləqan Rayon Prokurorluğunda araşdırma aparılır.