BAKI, 12 iyun. TELEQRAF

Argentina yığmasının müdafiəçisi Leonardo Balerdi DÇ-2026-nı buraxacaq.

Teleqraf xəbər verir ki, bu barədə Argentina Futbol Assosiasiyasının mətbuat xidməti məlumat yayıb.

“Marsel”in 27 yaşlı futbolçusu sağ ayağının baldır əzələsindən zədələndiyi üçün mundialın iştirak ərizəsindən çıxarılıb. Onun əvəzinə “Tottenhem”in müdafiəçisi Markos Senesi Argentina millisinin düşərgəsinə dəvət olunub.

Qeyd edək ki, iyunun 11-də start götürən dünya çempionatı iyulun 19-dək davam edəcək. Argentina millisi J qrupunda Əlcəzair, Avstriya və İordaniya ilə mübarizə aparacaq.