BAKI, 30 yanvar. TELEQRAF

“Qarabağ”ın UEFA Çempionlar Liqasının pley-off mərhələsindəki rəqibi müəyyənləşib.

Teleqraf xəbər verir ki, Ağdam təmsilçisi bu raundda İngiltərənin “Nyukasl” klubu ilə qarşılaşacaq.

Püşkatma mərasimi UEFA-nın İsveçrənin Nyon şəhərindəki mənzil-qərargahında baş tutub.

“Qarabağ”ın evdə keçirəcəyi ilk oyun fevralın 17-də və ya 18-də baş tutacaq. Səfərdəki cavab görüşü ayın 24-də və ya 25-də keçiriləcək.

Qeyd edək ki, Eddi Haunun rəhbərlik etdiyi “Nyukasl” əsas mərhələni 14 xalla 12-ci pillədə başa vurub.