BAKI, 9 sentyabr. TELEQRAF

Azərbaycan millisi DÇ-2026-nin seçmə mərhələsi çərçivəsində Ukrayna yığmasını qəbul edib.

Teleqraf xəbər verir ki, Tofiq Bəhramov adına Respublika Stadionunda təşkil olunan oyunda qalib müəyyənləşməyib - 1:1.

Matçda hesabı 51-ci dəqiqədə qonaqların yarımmüdafiəçisi Georgi Sudakov açıb.

72-ci dəqiqədə isə Azərbaycan millisinin kapitanı Emin Mahmudov penaltidən fərqlənərək hesabı bərabərləşdirib.

Bununla da Azərbaycanla Ukrayna seçmələri D qrupunda ilk xalını qazanıb.

Qeyd edək ki, Azərbaycan millisi növbəti oyununu oktyabrın 10-da səfərdə Fransaya qarşı keçirəcək.

***
21:30

DÇ-2026-nın seçmə mərhələsi çərçivəsində keçirilən Azərbaycan - Ukrayna oyununda növbəti qol vurulub.

Teleqraf xəbər verir ki, Tofiq Bəhramov adına Respublika Stadionunda təşkil olunan matçda Ayxan Abbasovun rəhbərlik etdiyi kollektiv hesabı bərabərləşdirib.

Görüşün 72-ci dəqiqəsində Emin Mahmudov penaltidən fərqlənib.

***

21:09

DÇ-2026-nın seçmə mərhələsi çərçivəsində keçirilən Azərbaycan - Ukrayna oyununda hesab açılıb.

Teleqraf xəbər verir ki, Tofiq Bəhramov adına Respublika Stadionunda təşkil olunan matçda qonaqlar önə keçib.

Görüşün 51-ci dəqiqəsində Georgi Sudakov adını tabloya yazdırıb.

***
21;03

DÇ-2026-nın seçmə mərhələsi çərçivəsində keçirilən Azərbaycan - Ukrayna oyununda ikinci hissə başlayıb.

Teleqraf xəbər verir ki, Tofiq Bəhramov adına Respublika Stadionunda təşkil olunan matçda hesab açılmayıb - 0:0.

***
20:48

DÇ-2026-nın seçmə mərhələsi çərçivəsində keçirilən Azərbaycan - Ukrayna oyununda ilk hissə başa çatıb.

Teleqraf xəbər verir ki, Tofiq Bəhramov adına Respublika Stadionunda təşkil olunan matçda hesab açılmayıb - 0:0.

***

20:00

DÇ-2026-nın seçmə mərhələsi çərçivəsində keçirilən Azərbaycan - Ukrayna oyunu start götürüb.

Teleqraf xəbər verir ki, yunanıstanlı baş hakim Vassilis Fotiasın idarə etdiyi qarşılaşma Tofiq Bəhramov adına Respublika Stadionunda təşkil olunur.

DÇ-2026-nın seçmə mərhələsi

I tur
9 sentyabr
D qrupu

20:00. Azərbaycan - Ukrayna 1:1

Qollar: E.Mahmudov, 72 (pen.); G.Sudakov, 51

Hakimlər: Vassilis Fotias, Andreas Meintanas, Mixail Papadakis, Anastasios Papapetru.

VAR: Angelos Evangelu

AVAR: İonnis Papadoupolos.

Tofiq Bəhramov adına Respublika stadionu