BAKI. 5 aprel. TELEQRAF

ABŞ-ın Ukraynadakı səfiri Bridcet Brink Rusiyanın Krivoy Roqa 6-sı uşaq olmaqla 16 nəfərin ölümü ilə nəticələnən ballistik raket zərbəsinə cavab verib.

Teleqraf xəbər verir ki, xanım səfir X (Twitter) səhifəsindəki paylaşımında hücumun Rusiya tərəfindən həyata keçirildiyini qeyd etməyib.

"Bu axşam Krivoy Roqda uşaq meydançası və restoranın yaxınlığında ballistik raketin vurulması dəhşətlidir. 50-dən çox yaralanıb, 6-sı uşaq olmaqla 16 nəfər ölüb. Ona görə də bu müharibə başa çatmalıdır", - o yazıb.

Ukraynalılar səfiri hücumu təşkil edən ölkənin - Rusiyanın adını çəkməməkdə ittiham ediblər.