BAKI, 3 aprel. TELEQRAF

AFFA İntizam Komitəsi "Sabah" klubunu 4000 manat cərimələyib.

Teleqraf xəbər verir ki, buna səbəb Azərbaycan Kubokunda ½ final mərhələsinin “Neftçi” ilə səfər matçının 90+3-cü dəqiqəsində “Sabah” klubunun məşqçisi Aleksey Antonyukun hakimləri təhqir etdiyinə görə birbaşa qırmızı vərəqə almasıdır.

Antonyuk 3 oyun şərti olmaqla 5 oyunluq cəzalandırılıb, “Sabah” klubu 4000 manat cərimə edilib. Sınaq müddəti 3 ay təyin olunub.

“Neftçi” isə azarkeşlərinin pirotexniki vasitədən istifadə etmələri səbəbindən 1500 manat ziyana düşüb.

Digər yarımfinal görüşünə gəldikdə, "Qarabağ"la ev oyununda 4 futbolçusu sarı vərəqə aldığı üçün "Araz-Naxçıvan" 700 manat cərimə olunub.

Xatırladaq ki, "Sabah" "Neftçi"ni 2:1, "Araz-Naxçıvan" "Qarabağ"ı 1:0 hesabı ilə məğlub edib.