BAKI, 3 aprel. TELEQRAF

Pentaqon rəhbəri Pit Heqset Ukraynaya hərbi dəstək üçün aprelin 11-də Brüsseldə keçirilməsi planlaşdırılan beynəlxalq koalisiyanın iclasında iştirak etməyəcək.

Teleqraf xəbər verir ki, bu barədə Amerika və Avropa rəsmilərinə istinadən “Defence News” məlumat yayıb.

Nəşr qeyd edir ki, 50-dən çox ölkənin görüşü ABŞ müdafiə nazirinin iştirakı olmadan baş tutacaq. Heqset nə görüşə şəxsən, nə də video bağlantı ilə qoşulacaq.

Mənbənin məlumatına görə, Birləşmiş Ştatlar hələ də rəsmilərinin Kiyevi dəstəkləməyə həsr olunmuş müxtəlif tədbirlərdə necə iştirak edəcəyini qiymətləndirir.