BAKI, 3 aprel. TELEQRAF

Avropa Komissiyasının sədri Ursula Fon der Leyen ABŞ tariflərinə qarşı heç bir konkret cavab tədbiri elan etməyib.

Teleqraf xəbər verir ki, o, ABŞ Prezidenti Donald Trampı tarifləri ləğv etmək üçün danışıqlara çağırıb.

Fon der Leyen vurğulayıb ki, Avropa İttifaqı hərəkətə keçməyə hazırdır və Brüssel ilk cavab tədbirləri paketini tamamlamağa yaxındır. AK rəhbəri qeyd edib ki, danışıqlar uğursuz olarsa, Aİ onları tətbiq etməyə hazırdır.

O həmçinin Trampın tariflər tətbiq etmək qərarına görə dərin təəssüf hissi keçirdiyini bildirib. Onun sözlərinə görə, qlobal iqtisadiyyat Vaşinqtonun hərəkətlərindən “böyük zərər görəcək” və bunun nəticələri bütün dünya ölkələri üçün fəlakətli olacaq.