BAKI, 30 iyul. TELEQRAF

Yaponiyanın Kyuşu adasındakı Kumamoto prefekturasında baş verən güclü zəlzələ nəticəsində həlak olanların sayı 28 nəfərə yüksəlib.

Teleqraf xəbər verir ki, bu barədə Tokioda keçirdiyi mətbuat konfransında Yaponiya Nazirlər Kabinetinin baş katibi Minoru Kihara məlumat verib.

Onun sözlərinə görə, bu rəqəmə ölümü ehtimal ki, zəlzələnin nəticələri ilə əlaqəli olan şəxslər də daxildir.

Zəlzələ nəticəsində çoxlu sayda yaşayış evi elektrik, su və qaz təchizatından məhrum olub. Bəzi ərazilərdə evlər dağılıb, avtomobil yolları və körpülər ciddi zədələnib.

Təbii fəlakətin nəticələrinin aradan qaldırılması işlərinə Yaponiyanın Özünümüdafiə Qüvvələrinin təxminən 4,6 min hərbçisi cəlb edilib.

Qeyd edək ki, maqnitudası 7,1 olan zəlzələ son illərdə Yaponiyada qeydə alınan ən güclü yeraltı təkanlardan biri hesab olunur.