BAKI, 10 iyun. TELEQRAF

Kamçatkada 6 bal gücündə zəlzələ qeydə alınıb.

Teleqraf xəbər verir ki, bu barədə Rusiya Elmlər Akademiyasının Vahid Geofizika Xidmətinin Kamçatka şöbəsi məlumat yayıb.

Məlumata görə, zəlzələnin episentri 29,7 kilometr dərinlikdə yerləşib.

İlkin qiymətləndirmələrə əsasən, yeraltı təkanlar Petropavlovsk-Kamçatskidə 3 bal gücündə hiss olunub.

Dağıntı və ya xəsarət alanlar barədə məlumat verilməyib.