BAKI, 5 yanvar. TELEQRAF

Karakasın mərkəzində Maduroya dəstək aksiyası keçirilib.

Teleqraf xəbər verir ki, Venesuela paytaxtı Karakasın mərkəzində ölkə prezidenti Nikolas Maduroya dəstək məqsədilə kütləvi aksiya keçirilib.

RT-nin “Telegram” kanalında yayımlanan görüntülərdə iştirakçıların şüarlar səsləndirdiyi, bəzilərinin Venesuela bayraqları qaldırdığı görünür. Bildirilir ki, aksiyada Venesuelanın sabiq prezidenti Uqo Çavesin qızı Rosines də çıxış edib.

Qeyd edək ki, yanvarın 3-də ABŞ Venesuelada genişmiqyaslı hərbi əməliyyat keçirib. Əməliyyat zamanı prezident Nikolas Maduro həyat yoldaşı Siliya Floreslə birlikdə saxlanılaraq ölkədən çıxarılıb.