BAKI, 29 mart. TELEQRAF
Hindistanın idarə etdiyi Kəşmir regionunda davam edən atışmada dörd polis işçisi və iki terrorçu öldürülüb, bir neçə polis isə yaralanıb.
Teleqraf xəbər verir ki, bu barədə Hindistanın təhlükəsizlik xidməti məlumat yayıb.
Məlumatda deyilir ki, aparılan əməliyyatlar nəticəsində iki terrorçu zərərsizləşdirilib.
Qeyd edək ki, Kəşmir bölgəsi Hindistan və Pakistan arasında mübahisəli bir ərazidir və hər iki ölkə bu ərazinin üzərində suverenlik iddia edir. Kəşmirin böyük bir hissəsini Hindistan idarə edir, lakin Pakistan da bölgənin bir hissəsinə nəzarət edir.
Kəşmirin statusu uzun müddətdir beynəlxalq mübahisə mövzusudur. 1947-ci ildə Hindistan və Pakistan müstəqillik qazandığı zaman, Kəşmirin hansı ölkəyə qoşulacağı məsələsi ortaya çıxıb və bu, silahlı münaqişələrə səbəb olub. Hazırda Hindistanın administrativ nəzarətində olan Kəşmir, eyni zamanda yerli üsyanlar və terrorçu qruplarla bağlı problemlər yaşamaqdadır.
