BAKI, 12 noyabr. TELEQRAF

Ermənistan məhkəməsi bütün ermənilərin katolikosu II Qareginin qardaşı Gevork Nersisyana 3 il şərti həbs cəzası verib.

Teleqraf xəbər verir ki, bu barədə Ermənistan mediası məlumat yayıb.

II Qareginin qardaşı oğlu Ambartsum Nersisyan isə 3 il 5 ay müddətinə azadlıqdan məhrum edilib. Amma cəzanın icrası təxirə salınıb. Onun bir yaşlı qızının 6 yaşına çatmasına qədər sınaq müddəti müəyyən edilib.

Gevork Nersisyan və oğlu Ambartsum Nersisyan 2025-ci il noyabrın 3-də həbs edilib.

İstintaqın məlumatına görə, noyabrın 1-də onlar Vağarşapat rayonunun Voskeat kəndində təşviqat materialları yayan “Respublika” partiyasının nümayəndəsi Arutyun Mkrtçyanla münaqişəyə girib və onu təhqir ediblər.

2026-cı ilin fevralında təqsirləndirilən şəxslər ev dustaqlığına keçirilib, may ayında isə barələrində inzibati nəzarət tədbiri tətbiq olunub.

Erməni Apostol Kilsəsinin rəhbərinin qohumlarının həbsi hakimiyyətlə kilsə arasında qarşıdurmanın kəskinləşdiyi dövrə təsadüf edib.