BAKI, 3 fevral. TELEQRAF

Ermənistanın keçmiş prezidenti Serj Sərkisyan Baş nazir Nikol Paşinyanın KTMT üzvlüyün digər ölkələrdən silah alışına mane olması ilə bağlı iddiasını təkzib edib.

Teleqraf xəbər verir ki, bu barədə o, jurnalistlərə bildirib.

“KTMT-yə üzv ölkələrdən də silah almışıq, eləcə də Qərb ölkələri və Çindən. Bura digər ölkələr də daxildir. Bu, bizə mane olmayıb”, - Sərkisyan qeyd edib.

Ermənistanın keçmiş prezidenti xarici ölkələrdən alınan silahların müəyyən hissəsinin o zaman işğal altında olan Azərbaycanın Qarabağ bölgəsində yerləşdirildiyini də etiraf edib:

“2018-ci ilə (Nikol Paşinyan hakimiyyətə gələnə) qədər həmin silahlardan özünümüdafiə üçün istifadə etmirdikmi, onları Qarabağa aparmırdıqmı?”.