BAKI, 3 aprel. TELEQRAF
Ermənistan Təhlükəsizlik Şurasının katibi Armen Qriqoryan Avropa İttifaqının (Aİ) Cənubi Qafqaz üzrə xüsusi nümayəndəsi Maqdalena Qrononu qəbul edib.
Teleqraf xəbər verir ki, görüşdə Cənubi Qafqazda təhlükəsizlik vəziyyəti müzakirə olunub.
Həmsöhbətlər Ermənistanla Azərbaycan arasında münasibətlərin normallaşması prosesi ilə bağlı fikir mübadiləsi aparıblar.
Armen Qriqoryan Ermənistanın Azərbaycanla sülh sazişini mümkün qədər tez imzalamağa hazır olduğunu iddia edib.
Ermənistan-Aİ tərəfdaşlığı gündəliyindəki məsələlərə də toxunulub.
