TBİLİSİ, 25 fevral.TELEQRAF
Gürcüstan-Rusiya sərhədi istiqamətində yerləşən Mtsxeta-Stepantsminda-Lars avtomobil yolunun Qudauri-Kobi hissəsi bütün növ avtomobillərin hərəkəti üçün yenidən bağlanıb.
Teleqraf-ın yerli bürosu xəbər verir ki, bu barədə Gürcüstanın Yollar Departamentindən bildirilib.
Məlumata əsasən, məhdudiyyətlər qar uçqunu ilə bağlı yüksək təhlükə səbəbindən tətbiq olunub.
Qeyd edək ki, beynəlxalq əhəmiyyətli Mtsxeta-Stepantsminda-Lars yolunda məhdudiyyətlər fevralın 18-də qüvvəyə minib. Minik avtomobilləri üçün yol fevralın 23-də açılmışdı.
Xatırladaq ki, Mtsxeta-Stepantsminda-Lars yolu Gürcüstan və Ermənistanı Rusiya ilə əlaqələndirən yeganə quru yoldur.
