BAKI, 4 aprel. TELEQRAF
Böyük Britaniya və Fransa Rusiya Prezidenti Vladimir Putini Ukraynada atəşkəs danışıqlarını dayandırmaqda ittiham edib və Moskvaya dərhal cavab verməsi üçün təzyiqləri artırıb.
Teleqraf xəbər verir ki, bu barədə “Associated Press” məlumat yayıb.
Britaniya xarici işlər naziri Devid Lemmi fransalı həmkarı Jan-Noel Barro ilə söhbətindən sonra jurnalistlərə deyib:
“Fikrimizcə, Putin çaşqınlıq yaradır, o dayanıb”.
Britaniya və Fransa Ukraynada gələcək sülhə nəzarət üçün koalisiya yaratmağa çalışır. Lemmi bildirib ki, Putin atəşkəsə razı olduğunu söyləsə də, Ukraynanı bombalamağa davam edir.
Barro da xatırladıb ki, Ukrayna üç həftə əvvəl atəşkəs şərtləri ilə razılaşıb və indi Rusiya ABŞ-yə cavab verməlidir.
Fransanın baş diplomatı vaxtın daraldığını bildirərək, Rusiya liderini çevik cavab verməyə çağırıb.
Nazirlər həmçinin vurğulayıblar ki, Rusiyanın hərbi kampaniyasını dayandırmaq niyyəti yoxdur. Barro və Lemmi bu kontekstdə Putin həftənin əvvəlində 160 min çağırışçının hərbi xidmətə çağırılması barədə fərmanını misal göstərib.
