BAKI, 3 aprel. TELEQRAF
Avropa İttifaqı (Aİ) İstanbul şəhər bələdiyyəsinin sədri Əkrəm İmamoğlunun həbsindən sonra Türkiyə ilə əməkdaşlığı diqqətlə nəzərdən keçirəcəyini açıqlayıb.
Teleqraf xəbər verir ki, bu barədə Aİ-nin sözçüsü Markus Lammert bildirib.
“Son zamanlar baş verən narahatedici hadisələri nəzərə alaraq, Türkiyə ilə əlaqələrimizi diqqətlə nəzərdən keçirməliyik. Türkiyə bizim üçün strateji tərəfdaş olduğundan, qarşılıqlı maraq doğuran məsələləri müzakirə etmək üçün kanalları açıq saxlayacağıq”, - rəsmi deyib.
Lammert qeyd edib ki, Aİ Türkiyənin Avropa dəyərlərinə sadiq qalmasını istəyir.
