BAKI, 11 iyun. TELEQRAF

Qırğızıstan Joqorku Keneşi Altınbek Rısbekovun energetika naziri vəzifəsinə namizədliyini təsdiqləyib.

Teleqraf xəbər verir ki, qərar bu gün parlamentin iclasında qəbul edilib.

Deputat Dastan Bekeşev yeni naziri nazirliyin insan resursları potensialına diqqət yetirməyə çağırıb.

“Əvvəlki kimi, qohumlarınızı və dostlarınızı işə götürməyin. Peşəkarları işə götürün”, - o əlavə edib.

Deputat Meder Çotonov da yeni naziri bütün məscidlərin elektrik enerjisi tariflərinə keçid məsələsini həll etməyə çağırıb.

Xatırladaq ki, Talaybek İbrayev dünən öz xahişi ilə energetika naziri vəzifəsindən azad edilib.

Qırğızıstan Prezidenti Sadır Japarovun fərmanı ilə Altınbek Rısbekov energetika nazirinin səlahiyyətlərini icra edən təyin edilib. O, əvvəllər energetika nazirinin müavini vəzifəsində çalışıb.