BAKI, 17 aprel. TELEQRAF

Qazaxıstanda məşhurların narkotik istifadəsinə görə testdən keçirilməsi təklifi irəli sürülüb.

Teleqraf xəbər verir ki, təklifi Astana Məclisinin deputatı Layla Sultanqızı verib.

Deputatın sözlərinə görə, oxşar təcrübə artıq bir sıra dünyəvi ölkələrdə, xüsusən də Türkiyədə tətbiq olunur.

“Türkiyədə genişmiqyaslı araşdırma çərçivəsində onlarla məşhur tibbi müayinəyə - qan və digər analizlərə göndərilib. Bir neçə həftədir əvvəlcədən xəbərdarlıq edilmədən və şəxsin statusundan və ya məşhur olmasından asılı olmayaraq, hər kəs qanı analizindən keçirilir. Yoxlama zamanı hansısa qanun pozuntusu aşkar edilirsə, həmin şəxs məsuliyyətə cəlb olunur və bu məlumatlar ictimai şəkildə dərc edilir.

Bu cür şəxslər gənclərə güclü təsir göstərir, məhz buna görə, Qazaxıstanda da belə tədbirlər görülməlidir. Bu, qanunun daha effektiv tətbiqinə töhfə verərdi”, - Sultanqızı vurğulayıb.