BAKI, 2 dekabr. TELEQRAF
Özbəkistan Prezident Administrasiyasının rəhbəri Səidə Mirziyoyeva Tatarıstan Rəisi Rüstəm Minnixanovla görüşüb.
Teleqraf xəbər verir ki, söhbət zamanı Özbəkistan və Tatarıstan arasında intensiv ticari-iqtisadi əməkdaşlığın əsas istiqamətləri müzakirə olunub. Hər iki tərəf sənaye, investisiya layihələri və regional səviyyədə birbaşa əməkdaşlığın genişləndirilməsinin vacibliyini qeyd ediblər.
Görüşdə xalqlar arasında humanitar və mədəni əlaqələrə xüsusi diqqət yetirilib. Vurğulanıb ki, Özbəkistanda böyük tatar diasporu yaşayır və bu, tarixi yaxınlıq və mədəni ümumiliyin əsasını təşkil edir.
Təhsil sahəsində əməkdaşlıq çərçivəsində Tatarıstanın Özbəkistanın ən böyük təhsil tərəfdaşlarından biri olduğu, burada 3,5 mindən çox özbək gəncinin təhsil aldığı deyilib.
