BAKI, 8 may. TELEQRAF
Keniyanın şimal-qərbində lisenziyasız qızıl hasilatı aparılan şaxtanın çökməsi nəticəsində azı 15 nəfər ölüb.
Teleqraf xəbər verir ki, bu barədə “Anadolu Ajansı” məlumat yayıb.
Məlumata görə, ölənlərdən 10-u qadındır. Hadisə nəticəsində 12 nəfər sağ qalaraq xəstəxanaya yerləşdirilib.
Hazırda ərazidə axtarış-xilasetmə əməliyyatları davam etdirilir. Keniya Qızıl Xaç Cəmiyyəti ölənlərin sayının arta biləcəyini istisna etmir.
Qeyd edək ki, qəzanın böyük bir daşın düşməsi nəticəsində divarların çökməsi səbəbindən baş verdiyi bildirilir.
