BAKI, 24 avqust. TELEQRAF

“İran ordusu ABŞ-nin qısamüddətli, ortamüddətli və uzunmüddətli məqsədlərini izləyir və onun istənilən ssenarisinə qarşı döyüşə hazırdır”.

Teleqraf xəbər verir ki, bunu İran Silahlı Qüvvələrinin baş komandanı Əmir Xatəmi deyib.

“Biz 10-20 nəsil döyüşəcəyik və düşmənə ölkənin xəritəsini dəyişməyə imkan verməyəcəyik. Yeganə yol düşmənə güc dili ilə istədiyini edə bilməyəcəyini başa salmaqdır”, - o bildirib.

Xatəmi iddia edib ki, ABŞ öz məqsədlərinə çatmaqda uğursuzluğa düçar olduqdan sonra da yeni təhdidlər hazırlamaqdan və müxtəlif planlar qurmaqdan əl çəkməyib.

“Düşmən bilməlidir: İran İslam Respublikası onların sui-qəsd və avantüralarının sınaq meydanı olmayacaq”, - İran ordusunun baş komandanı əlavə edib.