BAKI, 17 avqust. TELEQRAF

“ABŞ son aylarda Hörmüz boğazına yaxınlaşa bilmir”.

Teleqraf xəbər verir ki, bunu İran parlamentinin Milli Təhlükəsizlik Komitəsinin sədr müavini Əmir Həyat-Müqəddəm yerli mediaya deyib.

“İran İslam Respublikası öz təhlükəsizliyini və milli maraqlarını müdafiə etmək məsələsində ciddidir və heç bir xarici gücün ölkənin ətrafındakı strateji bölgələrlə bağlı qərar verməsinə icazə verməyəcək”, - o bildirib.

Müqəddəm ABŞ Prezidenti Donald Trampın açıqlamalarını da şərh edib:

“Trampın davranışları və açıqlamaları bir çox hallarda qeyri-rasional xarakter daşıyır və bu cür sözlər reallıqdan daha çox, xülya və çox şişirdilmiş iddialardan qaynaqlanır. Onun açıqlamaları iddialarla meydandakı reallıqlar arasındakı məsafəni göstərir”.