BAKI, 25 noyabr. TELEQRAF

“Lazım gələrsə, İsrail İrana qarşı təsiredici tədbirlər görəcək”.

Teleqraf xəbər verir ki, bunu İsrailin sabiq baş naziri Yair Lapid deyib.

“İsrail zərurət yaranarsa, İranın nüvə və ballistik raket proqramlarına qarşı özünümüdafiə hüququndan təsirli şəkildə istifadə edəcək. Fikrimcə, İran Yaxın Şərq və bütün dünya üçün həyati təhlükədir. Bu, yalnız İsrailin deyil, qlobal problemdir”, - o bildirib.

Yair Lapid əlavə edib ki, İranın ballistik raket proqramı bütün regionu təhdid edir:

“Ona görə də, bu ABŞ, Səudiyyə Ərəbistanı, Birləşmiş Ərəb Əmirlikləri və İsrailin problemidir. İsrail hər bir şəraitdə özünümüdafiə hüququna malikdir və lazım gələrsə, bu hüquqdan təsirli şəkildə istifadə edəcəyik”.