ŞUŞA, 13 iyun. TELEQRAF

Azərbaycanın Türk Dövlətləri Təşkilatına sədrliyi türk dünyasının qlobal səviyyədə vahid, dinamik və nüfuzlu geosiyasi və iqtisadi güc kimi daha da möhkəmləndirir.

Teleqraf-ın Şuşaya ezam olunmuş əməkdaşı xəbər verir ki, bu barədə Türk Dövlətləri Təşkilatının Baş katibinin müavini Merey Mukajan Türk Dövlətləri Təşkilatı Ölkələrinin Rəqabət Qurumları Rəhbərlərinin 3-cü İclası və Rəqabət Forumunda çıxışında deyib.

O qeyd edib ki, Azərbaycanın sədrliyi TDT məkanında iqtisadi əməkdaşlığın dərinləşdirilməsinə yönəlmiş geniş təşəbbüslərə xüsusi önəm verir:

“Ortaq məqsədimiz yalnız ticarət və investisiya axınlarını gücləndirmək deyil, həm də türk dünyasının daha inteqrasiya olunmuş, müasir və gələcəyə yönəlmiş iqtisadi arxitekturasını formalaşdırmaqdır”.