BAKI, 14 oktyabr. TELEQRAF

Xəzər Dəniz Gəmiçiliyi (ASCO) Xəzərdənkənar sularda yük daşınmasını 3,3 dəfə artırıb.

Teleqraf ASCO-ya istinadən xəbər verir ki, uzun fasilədən sonra, 2014-cü ilin oktyabrında beynəlxalq sularda yenidən fəaliyyətə başlayan ASCO, həmin il “Üzeyir Hacıbəyli” və “Natəvan” quru yük gəmilərini istismara verərək yeni mərhələyə start verib.

Məlumata görə, 2015-ci ildə Xəzərdənkənar sularda daşınan yük həcmi 183 139 ton olub.

2024-cü ildə isə bu göstərici 609 742 tona çatıb.

Beləliklə yükdaşımalarda təxminən 3,3 dəfə və ya 233% artım müşahidə olunub.